Bugun Boyovut tumani kengashi deputati Karomat Karimova o‘z saylov okrugi – “A.Navoiy” mahallasida olib borilayotgan infratuzilma ishlari bilan yaqindan tanishdi.

Hududda 10 km uzunlikdagi elektr uzatish tarmog‘ini rekonstruksiya qilish hamda 5 dona 100 kVA quvvatga ega transformator punktlarini o‘rnatish rejalashtirilgan. Ayni paytda ushbu loyihalar bosqichma-bosqich amalga oshirilmoqda.

Rejaga muvofiq, 281 dona beton ustunlardan 241 donasi mahallaga yetkazilgan. Shuningdek, “A.Navoiy” mahallasining "Shox" ko‘chasi hamda “Yangiavlod” ko‘chasida 147 dona beton ustunni o‘rnatish ishlari boshlab yuborilgan.

Mazkur ishlarning barchasini iyul oyining yakuniga qadar to‘liq amalga oshirish rejalashtirilgan bo‘lib, bu mahalla aholisi uchun elektr ta’minotining barqarorligini ta’minlashda muhim ahamiyat kasb etadi.