BAG‘RIKENG VA SAXOVATPESHA XALQMIZ

Urush yillari xalqimiz boshpanasiz qolgan turli millat bolalarini o‘z bolasidek qabul qilgan va tarbiyalab voyaga yetkazgan. Shu jumladan, hamshahrimiz Hamid Samadovning 13 nafar bolani o‘z qaramog‘iga olib, yuksak insoniylik namunasini ko‘rsatgani eʼtirofga loyiq. Bugun uning jasoratiga o‘rnatilgan yodgorlik monumenti oldi ham hamshaharlarimiz bilan gavjum bo‘ldi.

Shahar hokimi boshchiligida keng jamoatchilik vakillari monument poyiga gulchamabarlar qo‘yib, o‘tganlarni xotirasiga hurmat keltiridilar. Tadbirda so‘z olganlar Hamid Samadovning bu kabi jasorati insonlar uchun ibrat ekanligini taʼkidladilar.

Hamyurtlarimiz o‘sha so‘ronli yillarda nafaqat frontda balki, front ortida ham mashaqqatli mehnat qilganlar. Shahar Drama teatri tomonidan front ortida ishlagan insonlarning og‘ir qiyinchiliklarda o‘tgan hayoti aks etgan sahna ko‘rinishi tomoshabinlarning qalblarida bugungi tinch va osuda kunlarga shukronalik hissini to‘lqinlantirgani shubhasiz.