Korrupsiyaga qarshi kurash – jamiyat taraqqiyotining kafolati.

Bugungi kunda korrupsiya muammosi insoniyatni jiddiy tashvishga solmoqda. Korrupsiya har qanday jamiyatning taraqqiyotiga to’sqinlik qiluvchi jiddiy tahdiddir. Bizga ma’lumki korrupsiya bu mansab va vakolatlarni shaxsiy manfaat yo’lida suiste’mol qilishdir. U insonlar o’rtasida adolatni buzadi va jamiyatda bir-biriga bo’lgan ishonchsizlikni kuchaytiradi. O’zbekiston Respublikasida korrupsiyaga qarshi kurash davlat siyosatining ustuvor masalalaridan biridir. Mamlakatimizda qabul qilingan “Korrupsiyaga qarshi kurashish to’g’risidagi” qonun, hamda “Harakatlar strategiyasi” va “Yangi O’zbekiston” taraqqiyot yo’nalishlari bu borada muhim asos bo’lib xizmat qilmoqda. Davlat idoralarida ochiqlik va shaffoflik tamoyillarining joriy etilishi, raqamlashtirish jarayonlari bu boradagi muhim qadamlar hisoblanadi.

Korrupsiyaga qarshi kurashda nafaqat fuqarolik jamiyati, ommaviy axborot vositalari, balki har bir fuqaroning faolligi muhim o’rin tutadi.Har bir inson korrupsiyaga qarshi kurashda mas’ul ekanligimizni unutmasligimiz kerak. Vijdonan va halol mehnat qilish yurt ravnaqi va kelajak avlodlar uchun eng mustahkam poydevordir.