#deputatlar_nazorati #poytaxtdeputatlari #deputatlik_faoliyati

🌳 "Adolat" mahallasida barpo etilayotgan "Yashil bog‘" yuzasidan Kengash qarori ijrosi joyida o‘rganildi

🏛 Fuqarolar murojaati asosida Yunusobod tumani "Adolat" mahallasi 80/14- va 80/1-uylar oldidagi yashil hududni "Yashil bog‘" sifatida tashkil etish masalasi belgilangan tartibda o‘rganilib, O‘zbekiston Respublikasi Vazirlar Mahkamasining 2022-yil 27-sentyabrdagi 529-son qarori talablari hamda mutasaddi tashkilotlarning ilmiy xulosalari va tavsiyalari asosida Xalq deputatlari Toshkent shahar Kengashining tegishli qarori qabul qilindi.

📝 Mazkur qarorga muvofiq, "Adolat" mahallasi hududidagi 2 500 kvadrat metr yer maydonida "Yashil bog‘" barpo etilishi belgilangan bo‘lib, yashil hududni saqlash, muntazam parvarishlash hamda ekologik barqarorlikni ta’minlash bo‘yicha aniq vazifalar yuklatilgan.

📝 Qaror ijrosini ta’minlash va amalga oshirilayotgan ishlarning holatini joyida o‘rganish maqsadida Xalq deputatlari Toshkent shahar Kengashi hamda tumani Kengashi deputatlari ishtirokida hududga chiqildi. O‘rganish davomida "Yashil bog‘"ni tashkil etish ishlari, mavjud daraxtlarning saqlanish holati, ularni sug‘orish, oziqlantirish va parvarishlash bo‘yicha amalga oshirilayotgan choralar ko‘zdan kechirildi.

🤝 Shuningdek, deputatlar mahalla faollari va mas’ul tashkilotlar vakillari bilan muloqot o‘tkazib, Kengash qarorida belgilangan vazifalarning o‘z vaqtida va sifatli bajarilishi, yashil hududning kelgusida samarali saqlanishi hamda fuqarolar uchun qulay ekologik maskan sifatida rivojlantirilishi yuzasidan tegishli tavsiya va topshiriqlar berdi.

✅ Xalq deputatlari Toshkent shahar Kengashi tomonidan qabul qilingan mazkur qaror ijrosi deputatlik nazorati ostida bo‘lib, "Yashil bog‘"ni barpo etish va uni asrab-avaylash bo‘yicha amalga oshirilayotgan ishlar izchil monitoring qilib boriladi.

📱 Telegram 📱 Instagram 📱 Facebook 📱 YouTube 🔎 E-kengash