Ijtimoiy loyihalar ijrosi o‘rganildi.


✅ Xalq deputatlari tuman Kengashi raisi B.Haitov hamda tuman Kengashi deputatlari tomonidan tumanda amalga oshirilayotgan muhim ijtimoiy loyihalarning ijrosi joyida o‘rganildi.

✅ Jumladan, O‘zbekiston Respublikasi Oliy Majlisi Qonunchilik palatasi deputati tashabbusi va tanlovi asosida “Open budjet” loyihasi doirasida ta’mirlanishi belgilangan 61-sonli umumta’lim maktabida olib borilishi rejalashtirilgan ishlar bilan tanishildi.

✅ O‘rganish jarayonida maktab binosining mavjud holati, ta’mirlash ishlarining loyiha-smeta hujjatlari, qurilish-ta’mirlash ishlarining bosqichlari va muddatlari muhokama qilindi. Shuningdek, ta’lim muassasasida o‘quvchilar uchun yaratilgan sharoitlar, infratuzilmani yaxshilash, sinfxonalarni zamonaviy jihozlash hamda sanitariya-gigiena talablariga muvofiq holatga keltirish masalalariga alohida e’tibor qaratildi.

✅ Qayd etilganidek, “Open budjet” loyihasi aholi tashabbuslarini qo‘llab-quvvatlash, hududlarda ijtimoiy infratuzilmani rivojlantirish va fuqarolarning qaror qabul qilish jarayonlaridagi ishtirokini kengaytirishda muhim ahamiyat kasb etmoqda.