Xalq deputatlari Bag‘dod tumani Kengashi deputati L.Mamasoliyeva tashabbusi bilan Qirqvolida mahalla fuqarolar yigʻini hududida joylashgan 10-umumiy oʻrta taʼlim maktabida yoshlar va voyaga yetmaganlar o‘rtasida nazoratsizlik hamda huquqbuzarliklarning oldini olishga qaratilgan targ‘ibot tadbiri tashkil etildi.

        Mazkur tadbirdan ko‘zlangan asosiy maqsad — o‘quvchilar o‘rtasida huquqiy madaniyatni yuksaltirish, ularning bo‘sh vaqtini mazmunli tashkil etish, shuningdek, turli salbiy illatlar va huquqbuzarliklarning oldini olish yuzasidan tushuntirish ishlarini olib borishdan iborat bo‘ldi.

        Tadbir davomida deputat tomonidan yoshlar tarbiyasi, ularning huquq va majburiyatlari, shuningdek, voyaga yetmaganlar o‘rtasida sodir etilayotgan huquqbuzarliklarning salbiy oqibatlari yuzasidan tushuntirishlar berildi hamda ularni yot g‘oyalardan asrash, sog‘lom turmush tarzini targ‘ib qilish masalalariga alohida e’tibor qaratildi.