Xalq deputatlari Qiziriq tumani Kengashi deputati D.Xoliqova tumandagi “Qorasuv” mahalla fuqarolar yig‘ini soliqchisi D.Qudratov bilan birgalikda mahallada soliq xodimining bir kunlik faoliyati bilan yaqindan tanishdi.

O‘rganish jarayonida mahallada soliqlarni undirish, tadbirkorlik subyektlari va aholi bilan olib borilayotgan tushuntirish ishlari, soliq intizomini mustahkamlashga qaratilgan chora-tadbirlar hamda mavjud muammolar atroflicha ko‘rib chiqildi.

Uchrashuv davomida soliqchi faoliyatini yanada samarali tashkil etish, aholi va tadbirkorlar bilan ochiq muloqotni kuchaytirish, soliqqa oid masalalarda tushuntirish ishlarini tizimli olib borish bo‘yicha taklif va tavsiyalar bildirildi.