Bugun Xalq deputatlari Chinoz tumani Kengashining Korrupsiyaga qarshi kurash va xavfsizlik masalalari komissiyasi raisi, deputat Surayyo Axmedova, tuman Adliya bo‘limi bosh yuriskonsultlari bilan birgalikda Chinoz tumani Tibbiyot birlashmasida bo‘lib, O‘zbekiston Respublikasining “Korrupsiyaga qarshi kurashish to‘g‘risida”gi 2017-yil 3-yanvardagi №O‘RQ–419-son Qonunining ijro etilishi holatini o‘rgandi.

O‘rganish yakunida aniqlangan kamchiliklarni bartaraf etish maqsadida, shuningdek, korrupsiyaga qarshi kurashish, xususan, tibbiyot sohasida ushbu illatga qarshi murosasiz munosabatni shakllantirish bo‘yicha seminar yig‘ilishi o‘tkazildi.

Yig‘ilishda Xalq deputatlari Chinoz tumani Kengashining Korrupsiyaga qarshi kurash va xavfsizlik masalalari komissiyasi raisi Surayyo Axmedova so‘zga chiqib, “Korrupsiyaga qarshi kurashish to‘g‘risida”gi Qonun hamda O‘zbekiston Respublikasi Rrezidentining 2025-yii 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘gʻrisida”gi PF-71-son Farmoni ijrosini ta’minlash, jamiyatda korrupsiyaga qarshi immunitetni shakllantirish, fuqarolarda bu illatga nisbatan murosasiz munosabatni qaror toptirish yuzasidan ma’ruza qildi.

Tuman Adliya bo‘limi bilan hamkorlikda o‘tgan seminarda Adliya bo‘limining bosh yuriskonsultlari Alisher Teshaboyev va Otabek Xamroyevlar qatnashib, ishtirokchilar tomonidan yo‘llangan savollarga asosli javoblar berishdi.