Mazkur tadbirda yurtimizda yoshlarga halollik, adolatparvarlik va huquqiy ongni oshirishga qaratilgan islohotlar doirasida, yosh avlodni korrupsiyaga qarshi kurashish ruhida tarbiyalash maqsadida dolzarb mavzular muhokama qilindi.

Tadbirda Xalq deputatlari Ishtixon tumani Kengashi deputatlari M. Raximov hamda J. Rasulov, shuningdek, tuman ichki ishlar bo‘limi xodimlari, "Adolat" sotsial-demokratik partiyasi Markaziy kengashidan vakillar, o‘quvchi-yoshlar va pedagoglar ishtirok etdi.

Suhbat davomida halollik tamoyillarining jamiyat taraqqiyotidagi o‘rni, korrupsiyaning salbiy oqibatlari, unga qarshi kurashishda yoshlarning faolligi muhimligi ta’kidlandi. Mutaxassislar tomonidan mavzuga oid ma’ruzalar tinglandi, ishtirokchilarning savollariga javob berildi.

Shuningdek, davra suhbatida halol va vatanparvar kadrlarni shakllantirishda ta’lim muassasalarining roli, ota-onalar va jamoatchilik bilan hamkorlikda amalga oshirilayotgan chora-tadbirlar haqida ham fikr almashildi.