Xalıq deputatları Qaraózek rayonlıq Keńesiniń 2025-jıl 31-yanvar kúngi «Xalıq deputatları Qaraózek rayonlıq Keńesi deputatlarınıń 2025-jıldıń I sheregi dawamında alıp barǵan jumısları haqqında óz okruglerinde saylawshılarǵa esabat beriw rejesin tastıyıqlaw haqqında»ǵı VII-5-11-13-183-K/25-sanlı sheshimi menen aymaqlarda ushırasıwlar bolıp ótpekte.

Usı tiykarda Qutlı mákan MPJ aymaǵınan 1-N.Japaqov okruginen deputat Q.Jaqsımuratov hám 2-Gúlistan okruginen deputat N.Tleumuratovlardıń ushırasıwında máhálle jetiligi, aymaqtaǵı mákemeler, bilimlendiriw shólkemleri wákilleri, aymaq turǵınları qatnastı. Ushırasıwda deputatlar tárepinen aymaqtı social-ekonomikalıq rawajlandırıw baǵdarında nızam hám qararlar, mámleketlik baǵdarlamalarda belgilengen wazıypalar orınlanıwı haqqında maǵlıwmat hám deputatlıq iskerligi haqqında esabatı menen tanıstırdı. Sonday-aq, qatnasıwshılardıń pikir-usınısları, mashqala hám múrájatleri úyrenildi. Ushırasıwda deputatlar máhálle belsendileri menen birgelikte Ózbekstan Respublikasınıń «Puqaralardıń ózin-ózi basqarıw uyımları haqqında»ǵı Nızamına tiykar aymaqtaǵı bilimlendiriw mákemeleri hám basqada mámleketlik uyımlardıń basshılarınıń puqaralar jıyınları iskerligi tarawına kiretuǵın máseleler júzesinen esabatların, Ózbekstan Respublikası Ministrler Kabinetiniń 2024-jıl 13-iyun kúngi «Máhálleler iskerligin tártipke salıwǵa tiyisli normativ-huqıqıy hújjetlerdi tastıyıqlaw haqqında»ǵı 334-sanlı qararı tiykarında máhálle jetiliginiń birinshi sherek juwmaǵı boyınsha xalıqqa esabatın tıńladı.