Xalq deputatlari Tuproqqal’a tuman Kengashi deputati Nafosat Allaberganova o‘zining saylovchilari bilan uchrashib, keksa otaxon va onaxonlarga Prezidentimizning 2025-yilni "Atrof muhitni muhofaza qilish va "yashil iqtisod" yili" Davlat dasturi hamda "O‘zbekiston-2030" strategiyasida belgilangan ustuvor vazifalar xususida tushuntirish ishlarini olib bordi. Uchrashuvda siyosiy suhbat bilan bir qatorda mahalladagi ijtimoiy masalalar yechimi ham ko‘rib chiqildi. Jumladan mahalladagi chiqindixona atrofini tozalash va chiqindilarni o‘z vaqtida tashib ketishni so‘rab, tuman "Toza xudud " MCHJ rahbariyatiga deputat nomidan so‘rovnoma chiqariladigan bo‘ldi. Uchrashuvda saylovchi, keksa onaxon Saida Masharipova so‘z olib, saylovda nomzodni to‘g‘ri tanlaganliklari va mahalla ahli N. Allaberganovaning ishidan mamnun ekanliklarini gapirib o‘tdi. Bu kabi uchrashuvlarni mahalladagi maktab jamoasi va ota -onalar bilan birga o‘tkazish taklifini berdi.