Халқ депутатлари Хатирчи туман Кенгаши
депутати Эшназаров Дилшод Комилович томонидан сайловчилар билан учрашувда
кўтарилган муҳим масала юзасидан расмий депутат сўрови йўлланди. 

Ушбу сўровда 210 та хонадонга тегишли
16,8 гектар томорқа майдонини сув билан таъминлаш мақсадида, Хатирчи – Лангар
йўли бўйидаги эски сув йўлининг шох каналидан махсус сув қувури ўтказиш таклифи
билдирилди. 

Депутат сўрови Хатирчи тумани сув етказиб
бериш хизмати давлат муассасасига йўналтирилди. Мурожаатда “Халқ депутатлари
туман Кенгаши депутати мақоми тўғрисида”ги Қонуннинг 5 ва 8-моддаларига
таянилган ҳолда, асосли тушунтириш сўралди. 

Бу ташаббус орқали аҳолининг томорқа
ерларидан самарали фойдаланишига шароит яратиш, сув таъминотини яхшилаш ва қишлоқ
хўжалигини ривожлантириш мақсад қилинган.