Халқ депутатлари Хатирчи туман Кенгаши
котибияти мудири У.Одилов томонидан ҳудудда инвестициялар жалб қилиш,
инвестиция лойиҳаларини амалга ошириш ҳамда уларнинг самарадорлигини ошириш
бўйича амалга оширилаётган ишлар юзасидан ўрганиш олиб борилди. 

Ўрганиш жараёнида туманда амалга
оширилаётган инвестиция лойиҳалари, уларнинг ижро ҳолати, яратилаётган янги иш
ўринлари ва иқтисодий самарадорлиги атрофлича таҳлил қилинди. Шунингдек,
хорижий ва маҳаллий инвестицияларни жалб қилиш, тадбиркорликни ривожлантириш,
ишлаб чиқариш қувватларини кенгайтириш борасида амалга оширилаётган чора-тадбирлар
кўриб чиқилди. 

Мутасадди ташкилотлар масъуллари билан
ўтказилган мулоқотлар давомида соҳада учраётган муаммолар, хусусан, лойиҳаларни
молиялаштириш, инфратузилма таъминоти ва ер ажратиш билан боғлиқ масалалар
муҳокама қилиниб, уларни бартараф этиш юзасидан таклиф ва тавсиялар ишлаб
чиқилди. 

Ўрганишлар якунида инвестиция муҳитини
янада яхшилаш, янги лойиҳаларни жалб этиш ва амалга оширилаётган дастурлар
самарадорлигини ошириш бўйича тегишли чора-тадбирларни кучайтириш зарурлиги
таъкидланди.