Xalq deputatlari Olmazor tumani Kengashi deputati Umida Fayziyeva Olmazor tumanidagi 185-umumta’lim maktabida bo‘lib, ta’lim jarayonlari hamda o‘quvchilarga yaratilgan sharoitlar bilan yaqindan tanishdi. 

Shuningdek, maktabning moddiy-texnik bazasi ham o‘rganilib, mavjud sharoitlarni yanada yaxshilash masalalari muhokama qilindi. Jarayon davomida “Yoshlarimiz – kelajagimiz!” mavzusida suhbat o‘tkazilib, yoshlarni zamonaviy ishchi kasblarni egallashga yo‘naltirish, kasb-hunar o‘rganishning bugungi kundagi ahamiyati haqida fikr almashildi.

 Shundan so‘ng deputat hududni aylanib chiqib, "G'ani A'zamov" mahalla kutubxonasida yoshlar hamda istiqomat qiluvchi fuqarolar bilan bevosita suhbatlashdi. Muloqot davomida tuman deputati va ta'lim sohasi mutaxassislari o‘quvchilar bilan birga bo‘lib, ilmiy va madaniy faoliyatni rivojlantirish borasida fikr almashdilar. Mahalla kutubxonasida o‘tkazilgan uchrashuvda, yoshlarning kitobxonlik madaniyatini oshirish, yangi ta'lim metodlari haqida so‘z yuritildi. Uchrashuvda yoshlarning kelajakka bo‘lgan qarashlari va ta'limga oid savollari muhokama qilindi.

 Deputat yoshlarning bilimli, kasb-hunarli va zamon talablariga mos mutaxassis bo‘lib yetishishi mamlakat taraqqiyotining muhim omili ekanini ta’kidlab, ta’lim muassasalarida bu yo‘nalishdagi ishlarni yanada kuchaytirish zarurligini qayd etdi.