Viloyatda aholini ichimlik va oqava suv bilan ta’minlash darajasini oshirish bo‘yicha amalga oshirilgan ishlar hamda kelgusidagi rejalar to‘g‘risida  

✅Xalq deputatlari viloyat Kengashining XIX sessiyasida "viloyatda aholini ichimlik va oqava suv bilan ta’minlash darajasini oshirish bo‘yicha amalga oshirilgan ishlar hamda kelgusidagi rejalar to‘g‘risida" “Samarqand suv ta’minoti” AJ direktori T.Boboyevning hisoboti tinglandi. 

⚡️Xisobotda, joriy yil boshidan “Samarqand suv ta’minoti” AJ hisobidan 82 dona energiya tejamkor suv nasoslar o‘rnatilib, 95 dona suv nasoslari va 28,3 km. suv tarmoqlari joriy va mukammal ta’mirlangan.

Jomboy tumani filialiga qarashli “Quduqli” suv inshootiga 200,0 kVtli quyosh panellari o‘rnatilib, 40 ming kVt/oyiga elektr energiyasi iqtisod qilinishiga erishilgan.

⚡️Jamiyatning filiallaridagi mavjud ob’yektlarga 44 ta shit kaskad, 53 ta zadvijka, 268 ta kuzatuv kameralari, 417 ta quyosh panelli yoritgich, 82 ta baktrosetka o‘rnatish ishlari amalga oshirilgan.

⚡️Samarqand shahrining Buyuk Ipak Yo‘li va F.Xo‘jayev ko‘chalari kesishmasida D-500 mm. bo‘lgan suv tarmog‘ini “Mikrorayon A va B” nasos stansiyasiga boradigan D-500 mm. suv tarmog‘iga ulash hamda Sug‘diyona nasos stansiyasidan chiqqan D-200 mm. bo‘lgan suv tarmog‘i D-500 mm. magistral suv tarmog‘iga ulangan. 

Natijada 1980-yildan buyon yuqori qavatlarga suv chiqmaslik xolatlari bartaraf etilib, mavjud 20 ta mahalladagi 42 ming nafardan ortiq aholining ichimlik suv ta’minoti soatbay rejimdan 24 soatlik uzluksiz rejimga o‘tkazilgan.

💠Jamiyatning ichki imkoniyatlari xisobiga viloyat bo‘yicha 82,6 km. ichimlik suv tarmoqlarini tortish ishlari yakunlanib, 

3,5 ming nafar aholi toza ichimlik suv bilan ta’minlandi, 2,4 ming nafar aholining suv ta’minoti yaxshilangan.

⚡️Bundan tashqari, “Samarqand suv ta’minoti” AJ tasarrufidagi 76 ta rezervuarlardan 76 tasi (100 %) hamda 1 230 ta suv minolaridan 1 230 tasi (100 %) tozalanib, yuvish va dezinfeksiya qilish ishlari amalga oshirildi va bu ishlar yil oxirigacha davom ettirilishi aytib o'tildi.

Muhiddin Po'latov,

Xalq deputatlari Samarqand viloyat Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi.

⚡️ @sam_vil_deputatlari