Qonunchilik palatasi deputati Quva tumanida 

  O‘zbekiston
Respublikasi Oliy Majlisi Qonunchilik palatasi deputati S.O. Jumaeva, xalq deputatlari
viloyat hamda Quva tuman Kengashi deputatlari birgalikda tumandagi bir qator ijtimoiy-iqtisodiy
va madaniy ahamiyatga ega ob’ektlarda o‘rganish ishlarini olib bordilar. 

  Tashrif
doirasida, deputatlar O‘zbekiston Respublikasi Vazirlar Mahkamasining 2025-yil
8-maydagi 171-son qaroriga muvofiq aholini ijtimoiy jihatdan qo‘llab-quvvatlash
va sog‘lom turmush tarzini targ‘ib etish bo‘yicha amalga oshirilayotgan ishlarni,
jumladan, tumandagi “Omad Shifo” klinikasida yoshi ulug‘, yordamga muhtoj hamda
nogironligi bor shaxslarga kunduzgi qatnov asosida ko‘rsatilayotgan xizmatlar, nogironligi
bo‘lgan bolalarni qo‘llab-quvvatlash maqsadida Tinchlik mahallasida tashkil etilgan
maxsus maktabgacha ta’lim muassasasi faoliyati, tumandagi Qorashox mahalla fuqarolar
yig‘ini aholisining tomorqalarini sug‘orishdagi muammolari bo‘yicha murojaatlari,
Turkravot mahalla fuqarolar yig‘inidagi “mahalla yettiligi” faoliyati, maktabgacha
ta’lim tashkilotlarida bolalarning oziq-ovqat ta’minoti, “Qubo shahristoni” arxitektura
majmuasini YuNESKO umumjahon madaniy merosi ro‘yxatiga kiritish va boshqa bir qator
masalalarni o‘rgandilar, shuningdek deputatlar Namuna mahalla fuqarolar yig‘ini
hududidagi fermer xo‘jaliklari paxtakorlari bilan ham uchrashdilar. 

  Bundan
tashqari S.O. Jumaeva tomonidan xalq deputatlari tuman kengashi deputatlari, tumandagi
siyosiy partiyalar rahbarlari bilan suhbat uyushtirildi va hamkorlikda olib borilishi
lozim bo‘lgan dolzarb masalalar muhokama qilindi.