2-IATIDUMda yurtimiz mustaqilligining 34 yilligi hamda yangi 2025–2026-o‘quv yilining boshlanishi munosabati bilan “Vatan uchun, millat uchun, xalq uchun!” shiori ostida “Birinchi qo‘ng‘iroq” bayram tadbiri bo‘lib o‘tdi.

Tadbirda xalq deputatlari Karmana tumani Kengashi deputati T.Halilova, Karmana tuman prokurori Z.L. Barnayev ishtirok etib, o‘qituvchi va o‘quvchilarni O‘zbekiston mustaqilligining 34-yilligi hamda yangi o‘quv yili boshlanishi bilan samimiy muborakbod etdi.Bayram tantanalari doirasida yangi o‘quv yili ilk darslari — “Kelajak soati” mashg‘ulotlari bilan boshlandi. Ushbu darslar o‘quvchilarda vatanparvarlik, yurtga sadoqat, bilimga intilish, zamonaviy kasb va texnologiyalarga bo‘lgan qiziqishni shakllantirishga qaratildi.Shuningdek, eng hayajonli onlardan biri sifatida, 1-sinf o‘quvchilariga O‘zbekiston Respublikasi Prezidenti nomidan tayyorlangan Prezident sovg‘alari tantanali ravishda topshirildi. Bu tuhfa kichik yuraklarda katta quvonch uyg‘otib, ularning bilim olishga bo‘lgan ishtiyoqini yanada oshirdi.