Бүгин Халық депутатлары Шымбай районлық Кеңесин депутатлары топары ағзалары «Тазғара» АПЖ аймағында жайласқан 24-санлы улыўма билим бериў мектебинде алып барылып атырған қурылыс жумыслары менен танысты.

✅ Бул оқыў имараты 2007-жыл қурып питкерилген болып, тийкарынан 120 орынға мөлшерленген. Аймақтағы халықтың көбейиўине байланыслы бүгинги күнде бул оқыў имаратында 200 ден аслам оқыўшы билим алып атырған болып, нәўбетшилик коэффициенти 1.8 ге жетти. Ҳүрметли Президентимиздиң 2024-жыл 24-декабрь күнги «2025-2027-жылларда Өзбекстан Республикасының социаллық ҳәм ислеп шығарыў инфраструктурасын раўажландырыў илажлары ҳаққында»ғы ПҚ-454-санлы қарарына тийкар, 5 млрд. сўм қаржы ажыратылып қосымша 150 орынлы оқыў имараты ҳәм де 12х24 өлшемдеги спорт залын қурыў белгенген еди. 

📌 Алып барылып атырған қурылыс жумыслары менен жақыннан танысыў мақсетинде Халық депутатлары Шымбай районлық Кеңесиндеги партия топары ағзалары қурылыс алып барылып атырған орынға барып, жумыслар менен жақыннан танысты. Үйрениў даўамында «Модерн Мега-строй» ЖШЖ тәрепинен имараттың ишки пардозлаў жумыслары алып барылып атырғанлығы анықланды.