Bekobod shahrida joylashgan Dehqon bozorida Mustaqilligimizning 34 yilligi munosabati bilan aholiga quvonch ulashish va bayram kayfiyatini yanada oshirish maqsadida Bekobod shahar hokimligi va shahar prokuraturasi huzuridagi Departament bilan hamkorlikda arzonlashtirilgan savdo yarmarkasi tashkil etildi. Shuningdek, yarmarka jarayonida shahar hokimining birinchi o‘rinbosari Q.Safarov, Xalq deputatlari Bekobod shahar Kengashi deputati U.Abdunazarov, Nuroniylar jamg'armasi raisi, Kengashi deputati T.Niyazov hamda Bekobod shahar Departament xodimlari tomonidan savdo rastalaridagi oziq-ovqat va go‘sht mahsulotlarining sifati, iste’molga yaroqliligi va narx-navoning barqarorligi o‘rganilmoqda. Tadbir davomida shahar Madaniyat bo‘limi san’atkorlari yurtimiz tarixi va go‘zalligini kuylovchi kuy-qo‘shiqlar bilan barchaga ko‘tarinki kayfiyat bag‘ishlamoqda. Ushbu yarmarka aholiga qulaylik yaratish, sifatli va arzon mahsulotlar bilan ta’minlashga xizmat qilmoqda.