Saylovchilar bilan ochiq muloqot 

18.08.2025 

Xalq
deputatlari Farg‘ona tuman Kengashi deputati Qaxramon Makarov Xuvaydo saylov
okrugida saylovchilar bilan navbatdagi uchrashuvni o‘tkazdi. 

Uchrashuv davomida okrug hududiga kiradigan
“Qo‘riq” mahalla fuqarolar yig‘ini yettiligining hisoboti tinglandi. Hisobotda
mahallada amalga oshirilgan ishlar, aholi muammolarini hal etish bo‘yicha chora-tadbirlar,
yoshlar va xotin-qizlar bilan olib borilayotgan ishlarning natijalari atroflicha
yoritildi. 

Saylovchilar tomonidan kundalik turmushda
dolzarb bo‘lgan bir qator masalalar ko‘tarildi. Jumladan, infratuzilmani yaxshilash,
ichki yo‘llarni ta’mirlash, ichimlik suvi ta’minotini barqaror qilish hamda aholi
bandligini ta’minlash kabi taklif va murojaatlar bildirildi. 

Deputat Qaxramon Makarov saylovchilar
takliflarini diqqat bilan tinglab, ularni tegishli tashkilotlar bilan hamkorlikda
hal etish bo‘yicha amaliy choralar belgilanishini ta’kidladi. Shuningdek, joylardagi
yettiliklar faoliyatini kuchaytirish va aholi bilan muloqotni yanada samarali tashkil
etish muhimligi qayd etildi. 

Uchrashuv samarali muloqot ruhida o‘tib,
saylovchilarning murojaatlari va fikrlari ish yuritishda muhim yo‘nalish sifatida
qayd etildi.