Quva tumanida deputatlar tomonidan nazorat-tahlil tadbirlari o‘tkazildi 

Xalq deputatlari Farg‘ona viloyati Kengashi deputati N.Mannopova hamda Quva tuman Kengashi kotibiyat
mudiri R.Nodirovlar Quva tumanida nazorat-tahlil tadbirlarini amalga oshirdilar.
Tadbirlar doirasida davlat dasturlari ijrosi, shuningdek, mahalliy bo‘lim va tashkilotlar
tomonidan aholining iqtisodiy hamda ijtimoiy muammolarini hal etish yo‘nalishida
olib borilayotgan ishlar holati o‘rganildi. 

O‘rganish jarayonida tuman hokimining o‘rinbosarlari va tegishli tashkilotlar rahbarlari tomonidan joriy
yilning birinchi yarmida amalga oshirilgan ishlar, erishilgan natijalar va mavjud
muammolar yuzasidan atroflicha tahliliy axborotlar taqdim etildi. 

Shu bilan birga, kelgusida yuzaga kelgan muammolarni bartaraf etish, infratuzilmani rivojlantirish,
ish o‘rinlarini ko‘paytirish, aholi turmush darajasini oshirish hamda tadbirkorlik
faoliyatini qo‘llab-quvvatlashga qaratilgan rejalar va chora-tadbirlar muhokama
qilindi.  

Tashrif yakunlariga ko‘ra, davlat dasturlari ijrosini samarali
ta’minlash, nazorat va tahlil tizimini kuchaytirish hamda aholi manfaatlariga xizmat
qiluvchi amaliy ishlar ko‘lamini kengaytirish bo‘yicha mutasaddilarga aniq vazifalar
yuklatildi.