Халқ депутатлари Жондор тумани 16-Қароли сайлов округидан сайланган депутат Ҳабиба Караева ҳудуд аҳолиси билан очиқ мулоқотда коррупциявий омилларни олдини олиш, тўй-ҳашам ва маросимларни қисқартириш, шукроналик ҳисси билан яшаш тўғрисида суҳбатлашди.

Сайёр қабулнинг асосий мақсади – маҳаллий аҳоли билан тўғридан-тўғри суҳбат ўрнатиш, муаммоларни эшитиш ва ваколат доирасида амалий ёрдам кўрсатишдан иборат бўлди.

Учрашувда йўл инфратузилмаси, электр энергияси таъминоти, маиший чиқиндиларни олиб чиқиб кетиш, томорқа ерларини суғориш ҳамда экин ерлардан самарали фойдаланиш масалалари бўйича мурожаатлар келиб тушди.

Депутат сайловчилар фикр ва таклифларини инобатга олган ҳолда, мурожаатларни белгиланган тартибда ҳал этишга ваъда берди.

"Мақсадимиз – ҳудуд аҳолиси учун энг муҳим масалаларни муҳокама қилиш ва ижтимоий фаровонликка ҳисса қўшиш", – деди Ҳ.Караева.

https://t.me/JondorKengashi