👤 Xalq deputatlari Oltinsoy tuman Kengashi deputati X.Xo‘jaqulov tomonidan navbatdagi ochiq muloqot tarzidagi uchrashuv mahalla yettiligi bilan hamkorlikda Oltinsoy tumanidagi “Ekraz” mahallasida bo‘lib o‘tdi.

🗣Mazkur uchrashuv doirasida deputat saylovchilarning muammolari, taklif va mulohazalarini to‘g‘ridan-to‘g‘ri tinglab, ochiq va samimiy muloqot olib bordi.

📌 Mahalla fuqarolari tomonidan ko‘tarilgan dolzarb masalalar orasida:

· 🛣️ Ichki ko‘chalarni asfaltlash

· 🚶‍♂️ Katta yo‘l chetlarida piyodalar harakati uchun xavfsiz yo‘laklar tashkil etish

· 🪜 Beton ustunlar o‘rnatish

· ⚡ Elektr tarmoqlarini yer osti kabellari orqali tartibga solish

🔍 Mazkur infratuzilma va kommunal sohalarga oid muammolar alohida e’tibor bilan muhokama qilindi.

✅ Deputat X.Xo‘jaqulov, saylovchilarning har bir murojaatini diqqat markazida ushlab, ularni bartaraf etish bo‘yicha aniq chora-tadbirlar belgilab oldi.

📨 Xususan, belgilangan masalalar yuzasidan tegishli tashkilot va korxonalarga rasmiy so‘rovnomalar tayyorlanib, yuborilishi kelishib olindi.

📈 Bunday uchrashuvlar:

· aholining turmush tarzini yaxshilash,

· deputat va saylovchi o‘rtasida samarali aloqani mustahkamlash,

· fuqarolarning davlat hokimiyati va boshqaruv organlariga bo‘lgan ishonchini oshirishda muhim ahamiyat kasb etadi. 🤝

Oltinsoy tumani Kengash Kotibiyati Axborot xizmati

Slide 1 of 5