Parkent tumanida “Dolzarb 90 kun” loyihasi doirasida 56-maktab faoliyati o‘rganildi

O‘rganish davomida maktabning moddiy-texnik bazasi, o‘quv jarayoni, fan xonalari, sport inshootlari bilan tanishildi. Kutubxona faoliyati o‘rganilib, yangi o‘quv yiliga tayyorgarlik ishlari, darslik va badiiy adabiyotlar bilan ta’minot darajasi ko‘rib chiqildi. Shuningdek, kutubxonada o‘quvchilar uchun kitobxonlik madaniyatini oshirishga qaratilgan loyihalar haqida ma’lumot berildi. Yo‘l harakati xavfsizligi bo‘limi hamkorligida ichki ishlar xodimlari tomonidan o‘quvchilar uchun ko‘rgazmali mahorat darsi o‘tkazildi. Profilaktik tavsiyalar orqali o‘quvchilarda yo‘l harakati qoidalariga rioya qilish madaniyatini shakllantirishga alohida urg‘u berildi. Shuningdek, sport to‘garagi mashg‘ulotlari ham o‘rganildi. Unda o‘quvchilarning jismoniy tayyorgarligi, sport anjomlari bilan ta’minlanish darajasi va sportga bo‘lgan qiziqishini oshirish bo‘yicha tavsiyalar berildi.