Xalq deputatlari Payariq tumani Kengashi deputati Maqsud Musurmonov tomonidan tumandagi Birlashuv mahallasi hududida joylashgan 15 va 22-umum ta'lim maktablarining 2025-2026-o'quv yiliga tayyorligi borib o'rganildi.

O‘rganish davomida yangi o‘quv yiliga zarur darsliklar va o‘quv qurollari bilan ta’minlash holati, o‘quvchilarning o‘rindiqlari, partalar va sinfxonalar jihozlanishi alohida e’tiborga olindi. Maktabda ta’mirlash ishlari qisman yakuniga yetkazilgan bo‘lib, o‘quvchilarni munosib kutib olish uchun zarur shart-sharoitlar yaratilyapti.

Yangi o‘quv yilida kuz-qish mavsumining og‘ir sharoitlarida o‘quvchilarning salomatligini saqlash maqsadida isitish tizimining ishlash holati ham ko‘zdan kechirildi. Mazkur tizimda hozirda texnik sozlash ishlari olib borilayotgan bo‘lib, mavsumga to‘liq tayyor holatga keltirilishi rejalashtirilgan. 

15 va 22-umumta’lim maktablarida yangi 2025–2026-o‘quv yiliga tayyorgarlik borasida ijobiy ishlar amalga oshirilmoqda. Ushbu o‘quv maskanlari jamoasi tomonidan o‘quvchilarga zamonaviy va qulay ta’lim muhiti yaratish bo‘yicha qilinayotgan sa’y-harakatlar e’tiborga molik. Deputat ushbu maktablarning holatini doimiy nazoratga olish va zarur yordamlarni ko‘rsatishni davom ettirishini bildirdi.