Бугун Косонсой туманида Халқ депутатлари Наманган вилояти Кенгаши раиси
Солижон Муминов маҳаллаларда хавфсиз муҳитни яратиш ва ҳуқуқбузарликни барвақт
олдини олиш бўйича маҳалла раислари, профилактика инспектори билан семинар
мулоқот ўтказилди. 

Тадбирни туман ҳокими Дилмурод Қодиров очиб берар экан, маҳалла ва оилани
қўллаб-қувватлаш, жиноятчиликка қарши курашиш бўйича ҳукуматимиз томонидан
белгилаб берилган тамойиллар, хусусан "Маҳалла еттилиги" институти
фаолиятининг амалдаги натижалари ҳақида алоҳида тўхталиб ўтди. 

Тадбирда меҳнат ярмаркаси ҳам ташкил этилиб, фуқароларга мавжуд бўш иш
ўринлари, касбга ўқитиш курслари ва давлат томонидан яратилаётган имкониятлар
ҳақида батафсил маълумотлар берилди. 

Бу каби тадбирлар аҳоли бандлигини ошириш, жиноятга мойилликни камайтириш,
ёшларда ижтимоий масъулиятни кучайтириш йўлида муҳим қадамлардан бири бўлиб
хизмат қилмоқда. 

Туман ҳокимлиги, ҳуқуқни мухофаза қилиши органлари раҳбарлари, маҳалла
фаоллари, ёшлар етакчилари ва кенг жамоатчилик вакиллари иштирокидаги ушбу
учрашув — жамият барқарорлигига хизмат қилувчи навбатдаги муҳим ташаббус бўлди