DEPUTAT FAOLIYATI: 

Xalq deputatlari Jarqo‘rg‘on tumani Kengashi deputatlari S.Yuldoshev va Ch.Yusupov tumandagi "Zartepa" mahallasida O‘zbekiston Respublikasi Oliy Majlisi Senati Kengashining 2025-yil 14-yanvardagi "Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida" gi KQ-35-V-sonli qarori bo‘yicha tuman Kengashi deputatlari va senatorlarning “mahalla yettiligi” bilan o‘zaro hamkorligi yo‘lga qo‘yish maqsadida uchrashuv olib bordi.

Uchrashuv davomida MFYlar faollari, aholi hamda turli soha vakillari bilan suhbatda boʻlib, amaldagi qonunlar, keyingi paytda ularga kiritilgan oʻzgartirishlar, Prezident Farmonlari hamda Vazirlar Mahkamasi qarorlari va meʻyoriy hujjatlarning mazmun-mohiyati boʻyicha tegishli maʻlumotlarni ularga taqdim etilmoqda.

Ana shunday yuzma-yuz muloqotlardan biri tumandagi aholisi birmuncha zich joylashgan "Zartepa" MFYsida boʻlib oʻtdi.

Deputatlar “mahalla yettiligi” xodimlari, mahalliy tadbirkorlar va aholi vakillari bilan oʻtkazilgan suhbat jarayonida mahalladoshlar hayotida keyingi paytda roʻy bergan tub oʻzgarishlar, hudud infratuzilmasini yaxshilashga qaratilgan bunyodkorlik ishlari xususida soʻz bordi.

Uchrashuv yakunida aholining mavjud muammolari bo’yicha takliflari olindi. Aniqlangan muammolarni bartaraf etish bo’yicha deputatlik nazorati o’rnatildi.

✍️ Xalq deputatlari Jarqo‘rg‘on tumani Kengashi