Бугун Навоий шаҳридаги вилоят Маънавият ва маърифат марказида — “Туман ва шаҳарларда ер солиғи, ижара тўловлари учун белгиланган қийматларга оширувчи ҳамда камайтирувчи коэффициентларни белгилаш ишларини маҳаллий Кенгашлар депутатларига тушунтиришга бағишланган” семинар бўлиб ўтди.

Семинарни халқ депутатлари Навоий вилоят Кенгаши раиси Алиев Ғофир Қуватович олиб борди. Унда, Олий Мажлис Қонунчилик палатаси депутати, Тадбиркорлик, рақобатни ривожлантириш ва саноат масалалари қўмитаси раиси Бекмуродов Бобур Мансурович, Бюджет ва иқтисодий масалалар қўмитаси аъзолари Курбанов Фирдавс Кобилжонович, Маматхонов Баходир Мулажон ўғли ва маҳаллий Кенгаш котибиятлари мудирлари уларнинг доимий комиссия раислари, Иқтисодиёт ва молия, Солиқ, Кадастр, Савдо саноат палатаси, Давлат активлари, Камбағалликни қисқартириш ва бандлик бошқармалари, ОАВлари ва тегишли мутасаддилар иштирок этдилар.