Xalq deputatlari Vobkent tumani Kengashidagi O‘zLiDeP deputatlik guruhi rahbari To‘lqin Jo‘rayev boshchiligida deputatlar va kotibiyat bosh mutaxassisi B. Navro‘zov bilan birgalikda Prezidentning 2023-yil 10-oktabrdagi PQ-330-sonli “Yo‘l xo‘jaligi sohasini yanada takomillashtirish chora-tadbirlari to‘g‘risida”gi qarori ijrosi doirasida tuman yo‘llardan foydalanish unitar korxonasi faoliyati o'rganildi.

Monitoring davomida korxona tomonidan yo‘l infratuzilmasini yaxshilash, mavjud yo‘llarni saqlash va ta’mirlash borasida amalga oshirilayotgan ishlar ko‘zdan kechirildi. Shuningdek, yo‘l xo‘jaligi tizimidagi muammolar, mavjud kamchiliklar va ularni bartaraf etish yuzasidan takliflar ishlab chiqildi. O‘rganishlar natijasida aniqlangan kamchiliklarni bartaraf etish, yo‘llar sifatini yanada oshirish hamda aholiga qulay va xavfsiz harakat sharoitlarini yaratish yuzasidan mas’ullarga tegishli tavsiyalar berildi.