Xalq deputatlari Angor tumani Kengashi deputati Kabulova Rano hamda tuman Kengashi kotibiyati mudiri Jamshid Raximqulovlar tomonidan hududdagi 2-sonli maktabgacha ta’lim tashkilotida deputatlik nazorati amalga oshirildi. Nazorat davomida muassasada bolalar uchun yaratilgan sharoitlar atroflicha o‘rganildi. Jumladan, tarbiyalanuvchilar uchun tashkil etilgan ovqatlanish tizimi, taomlarning sifati va tarkibi, sanitariya talablariga rioya etilishi alohida e’tibor markazida bo‘ldi. Shuningdek, muassasadagi moddiy-texnik baza, jihozlarning zamonaviyligi va ulardan samarali foydalanish holati ham tahlil qilindi. O‘rganish jarayonida aniqlangan kamchiliklar yuzasidan tegishli mutasaddilarga aniq tavsiyalar berilib, ularni bartaraf etish bo‘yicha vazifalar belgilandi Deputatlik nazorati hududlarda ijtimoiy soha obyektlarida yaratilgan sharoitlarni yaxshilash, bolalar uchun xavfsiz va sifatli ta’lim-tarbiya muhitini ta’minlashga xizmat qiluvchi muhim omildir.