Yunusobod tumanidagi “Yurtobod” mahalla fuqarolar yig‘inida mahalla faollari, sohaviy tashkilotlar rahbarlari, keng jamoatchilik vakillari hamda Xalq deputatlari Yunusobod tumani Kengashi deputatlari ishtirokida uchrashuv bo‘lib o‘tdi.

🗣Muloqot davomida “Obod mahalla” dasturi doirasida hududda amalga oshirilishi rejalashtirilgan bunyodkorlik ishlari, infratuzilmani yaxshilash va obodonlashtirish masalalari atroflicha muhokama qilindi.

✅Uchrashuv davomida aholi tomonidan bildirilgan fikr-mulohazalar va takliflar tinglandi. Deputatlar tomonidan fuqarolarni qiynayotgan muammolarni o‘rganish, ularning yechimi yuzasidan mas’ul tashkilotlar bilan hamkorlik qilish hamda hududni yanada obod qilish masalalariga alohida e’tibor qaratildi.

📌Shuningdek, amalga oshirilishi rejalashtirilgan loyihalar, qurilish-ta’mirlash ishlari va ularning muddatlari yuzasidan fuqarolarga batafsil tushuntirishlar berildi. Aholi takliflari asosida ko‘tarilgan masalalarni tegishli tashkilotlar bilan hamkorlikda ko‘rib chiqish belgilandi.

⚖️Huquqiy asos: O‘zbekiston Respublikasining 2013-yil 22-apreldagi O‘RQ-350-son “Fuqarolarning o‘zini o‘zi boshqarish organlari to‘g‘risida”gi Qonuni hamda 2023-yil 11-apreldagi O‘RQ-829-son “O‘zbekiston Respublikasi Konstitutsiyasi to‘g‘risida”gi Konstitutsiyaviy Qonun bilan tasdiqlangan O‘zbekiston Respublikasi Konstitutsiyasining mahalliy davlat hokimiyati va fuqarolarning o‘zini o‘zi boshqarish organlariga oid normalari.