Xalq deputatlari Bag‘dod tumani Kengashining "23-Qorako‘l" saylov okrugi deputati Sh.Xoldarov, Kengash kotibiyati mudiri G‘.Abdullayev hamda Kengash Kotibiyati bosh mutaxassisi U.Raximjonovlar tomonidan “Qorako‘l” mahalla fuqarolar yig‘ini hududida 2026-yilgi ijtimoiy-iqtisodiy rivojlantirish dasturiga kiritilgan loyihaning amalga oshirilish jarayoni joyiga chiqib o‘rganildi.

Ma’lumki, “Qorako‘l” mahallasi tuman Kengashining VII-18-8-11-152-K/26-sonli qarori bilan “Yangi O‘zbekiston qiyofasidagi” hudud sifatida tanlab olingan.

O‘rganish davomida hudud infratuzilmasini yaxshilash, aholi uchun qulay shart-sharoitlar yaratish maqsadida loyiha doirasida 5,4 kilometr ichki yo‘llarni asfaltlash belgilanganligi qayd etildi.

✅ Bugungi kunda mazkur loyiha doirasidagi ishlar to‘liq yakunlanib, “Qorako‘l” mahalla fuqarolar yig‘ini hududidagi 5,4 kilometr ichki yo‘llar asfaltlandi.

Amalga oshirilgan mazkur ishlar natijasida hududda transport qatnovi uchun qulayliklar yanada yaxshilanib, mahalla aholisi uchun munosib va qulay yashash sharoitlarini yaratishga xizmat qilmoqda.

Mahalla aholisi hududda amalga oshirilgan obodonlashtirish va infratuzilmaviy ishlardan mamnunligini bildirib, loyiha ijrosiga o‘zining ijobiy munosabatini bildirdi.