FAVQULODDA VAZIYATLAR BO‘LIMI TOMONIDAN KIRITILGAN TEGISHLI FARMON VA QARORLAR IJROSI HOLATI O‘RGANILDI

Xalq deputatlari Namangan shahar Kengashi kotibiyati mudiri N.Ubaydullayev hamda deputat X.Toshmatova tomonidan sessiya kun tartibiga kiritilgan masala yuzasidan Namangan shahar Favqulodda vaziyatlar bo‘limi tomonidan O‘zbekiston Respublikasi Prezidentining 2025-yil 20-oktabrdagi PF–185-son Farmoni hamda mazkur hujjat ijrosini ta’minlashga qaratilgan tegishli qaror va topshiriqlar ijrosi yuzasidan taqdim etilgan hisobot o‘rganildi.

O‘rganish davomida aholi va hududlarni favqulodda vaziyatlardan muhofaza qilish, yong‘inlar profilaktikasini tashkil etish, favqulodda holatlarning oldini olish, korxona va tashkilotlarda yong‘in xavfsizligi talablariga rioya etilishi hamda aholi o‘rtasida olib borilayotgan targ‘ibot-tashviqot ishlari tahlil qilindi.

Shuningdek, fuqarolar murojaatlari bilan ishlash, shahar hududida o‘tkazilgan profilaktik tadbirlar, yong‘in xavfsizligi bo‘yicha o‘rganishlar, aniqlangan kamchiliklarni bartaraf etish yuzasidan ko‘rilgan choralar hamda hisobot ma’lumotlarining haqqoniyligi o‘rganildi.

O‘rganish yakunlari bo‘yicha aniqlangan holatlar umumlashtirilib, mavjud muammo va kamchiliklarni bartaraf etish yuzasidan tegishli taklif va tavsiyalar ishlab chiqildi hamda masalani xalq deputatlari Namangan shahar Kengashining navbatdagi sessiyasi muhokamasiga kiritish uchun xulosa tayyorlandi.