Xalq deputatlari Yangiobod tuman Kengashi raisi, deputat X. Tilakov, tuman Kengashi kotibiyati mudiri, deputat V. Xasanov hamda Kengash ekspert guruhi a’zosi I. Mansurov ishtirokida navbatdagi sessiya kun tartibiga kiritilayotgan masala doirasida tuman tashkilotlarining kuz-qish mavsumiga tayyorgarlik holati yuzasidan taqdim etilgan hisobotlari ko‘rib chiqildi.

Ko‘rib chiqish jarayonida tuman hududidagi ijtimoiy soha obyektlari, ta’lim muassasalari, tibbiyot tashkilotlari hamda boshqa tashkilotlarda kuz-qish mavsumini betalofat o‘tkazish uchun amalga oshirilgan tayyorgarlik ishlari tahlil qilindi.

Jumladan, issiqlik tizimlari va qozonxonalar holati, yoqilg‘i zaxiralari, ko‘mir va boshqa zarur resurslar bilan ta’minlanganlik, elektr energiyasi va tabiiy gaz ta’minoti, bino va inshootlarning mavsumga tayyorgarligi kabi masalalarga e’tibor qaratildi.

Shuningdek, tashkilotlar tomonidan taqdim etilgan ma’lumotlarning amaldagi holatga muvofiqligi, mavjud kamchiliklar va ularni bartaraf etish bo‘yicha ko‘rilayotgan choralar muhokama qilindi.

Kengash ekspert guruhi a’zosi I. Mansurov tomonidan taqdim etilgan hisobotlar tahliliy jihatdan ko‘rib chiqilib, aniqlangan masalalar yuzasidan tegishli taklif va tavsiyalar ishlab chiqish zarurligi qayd etildi.

O‘rganish yakunlari bo‘yicha aniqlangan kamchiliklarni bartaraf etish, kuz-qish mavsumini barqaror o‘tkazish uchun zarur choralarni ko‘rish hamda mas’ul tashkilotlar tomonidan belgilangan vazifalar ijrosini ta’minlash yuzasidan tegishli tavsiyalar berildi.

Mazkur masala navbatdagi Kengash doimiy komissiyasida muhokama qilish uchun tayyorlanib, o‘rganish natijalari va ekspert guruhining takliflari komissiya ishtirokchilariga taqdim etilishi belgilandi.