“Shahar Kengashi deputati, hokim hamda migratsiyadagi yoshlar” uchrashuvi bo‘lib o‘tdi

Bugungi kunda migratsiya masalalarini tizimli hal etish, xorijda mehnat qilayotgan hamda Vatanga qaytgan yoshlarning bandligini ta’minlash, ularning tajriba va bilimlaridan samarali foydalanish davlat siyosatining ustuvor yo‘nalishlaridan biridir. Bu borada joylarda o‘tkazilayotgan uchrashuvlar yoshlarning muammolarini bevosita tinglash va ularga manzilli yechim topishga xizmat qilmoqda.

Namangan shahar Yoshlar shtabida “Shahar Kengashi deputati, hokim hamda migratsiyadagi yoshlar” bilan uchrashuv bo‘lib o‘tdi. Unda Namangan shahar Kengashi deputati, shahar hokimi Ayubxon Kamolov hamda tegishli mutasaddi tashkilotlar rahbarlari ishtirokida migratsiyada bo‘lgan va migratsiyadan qaytgan fuqarolar bilan muloqot o‘tkazildi.

Dastlab migratsiyadan qaytgan fuqarolarning murojaatlari tinglanib, ularning bandlik, kasb-hunarga o‘qitish, shuningdek, xorijda orttirilgan tajriba va innovatsiyalar asosida tadbirkorlik faoliyatini yo‘lga qo‘yish borasidagi takliflari belgilangan tartibda ko‘rib chiqildi.

Shuningdek, uchrashuv davomida deputat va hokim tomonidan yoshlarni ish bilan ta’minlash, ularni qo‘llab-quvvatlash hamda mavjud muammolarni tizimli hal etish masalalari doimiy nazoratga olinishi ta’kidlandi.

🟦🟦🟦🟦🟦🟦