Xalq deputatlari mahalliy Kengashidan saylangan, 21-O‘zbekiston saylov okrugi deputati, kotibiyat mudiri G.Shermatova bugun «Azamat» mahallasida bo‘lib, hududda kam daromadli oilalarni qo‘llab-quvvatlash hamda ular bilan manzilli ishlash borasida amalga oshirilayotgan ishlarning holatini yaqindan o‘rgandi.
O‘rganish jarayonida mahalla yettiligi tomonidan ijtimoiy himoyaga muhtoj qatlam vakillari, shu jumladan «Ijtimoiy reestr»ga kiritilgan oilalarning turmush sharoiti, ularga ko‘rsatilayotgan ijtimoiy, huquqiy va amaliy yordamlarning sifati tanqidiy tahlil qilindi. Fuqarolarning murojaatlari tinglanib, har bir oilaning muammolarini bartaraf etish yuzasidan mas’ullarga tegishli ko‘rsatmalar berildi.
Tadbir davomida deputat tomonidan «Ijtimoiy reestr»dagi oilalarga ko‘rsatilayotgan davlat xizmatlari va ijtimoiy kafolatlarning o‘z vaqtida hamda shaffof yetkazilishi qat’iy deputatlik nazoratiga olinishi belgilandi. Bu boradagi ishlarning samaradorligini oshirish maqsadida mahalla mas’ullariga aniq vazifalar yuklatildi.