Xalq deputatlari Qo‘qon shahar Kengashining navbatdagi 29-sessiyasiga tayyorgarlik ko‘rish masalalari yuzasidan Kengash raisi O‘.Tojiyeva, Kengash kotibiyati mudiri A.Nosirov hamda kotibiyat bosh mutaxassislari ishtirokida muhokama yig‘ilishi o‘tkazildi.

Unda navbatdagi sessiya kun tartibiga kiritilishi rejalashtirilayotgan masalalar, ular yuzasidan mas’ul tashkilotlar tomonidan tayyorlangan axborot va hisobotlar, shuningdek, doimiy komissiyalarda olib borilgan muhokamalar natijalari atroflicha ko‘rib chiqildi.

Muhokama davomida sessiyada ko‘rib chiqilishi rejalashtirilayotgan masalalar yuzasidan tegishli hujjatlarni puxta tayyorlash, ularning amaldagi qonunchilik talablariga muvofiqligini ta’minlash hamda masalalarni mazmunan va har tomonlama o‘rganish bo‘yicha tegishli vazifalar belgilab olindi.

Jumladan, 29-sessiya kun tartibiga quyidagi masalalarni kiritish rejalashtirilmoqda:

O‘zbekiston Respublikasi Prezidentining 2025-yil 20-oktyabrdagi “Aholi va hududlarni favqulodda vaziyatlardan ishonchli muhofaza qilish sohasini sifat jihatidan yangi bosqichga ko‘tarish to‘g‘risida”gi PF-185-son Farmonining shaharda ijrosini ta’minlash borasida amalga oshirilgan ishlar to‘g‘risida;

O‘zbekiston Respublikasining “Geografik obyektlarning nomlari to‘g‘risida”gi Qonuni hamda Vazirlar Mahkamasining 2012-yil 16-oktyabrdagi 295-son qaroriga muvofiq Qo‘qon shahridagi 850 ta geografik obyekt — ko‘cha, tor ko‘cha va berk ko‘chalarni nomlash borasida amalga oshirilgan ishlar to‘g‘risida;

Qo‘qon shahar mahalliy budjetining qo‘shimcha manbalari hisobidan mablag‘larni yo‘naltirish to‘g‘risida;

Qo‘qon shahrida “Soya-salqin sayr ko‘chasi”ni barpo etish to‘g‘risida;

“Infratuzilma va ijtimoiy barqarorlik jamg‘armasi”dan mablag‘ ajratishga rozilik berish to‘g‘risida;

Xalq deputatlari Qo‘qon shahar Kengashi deputatlarining odob-axloq qoidalariga o‘zgartirish kiritish to‘g‘risida.

Sessiyaga kiritiladigan masalalar yuzasidan tayyorgarlik ishlarini belgilangan tartibda tashkil etish, tegishli materiallarni o‘z vaqtida shakllantirish hamda sessiyada mazmunli muhokama uchun zarur sharoitlarni yaratishga alohida e’tibor qaratildi.

Xalq deputatlari Qo‘qon shahar Kengashi