AG‘RON MAHALLASIDA ZAMONAVIY SPORT ZALI QURILADI
Xalq deputatlari Pastdarg‘om tumani Kengashining 2026-yil 10-sentabrdagi VII-34-115-7-101-K/26-son qarori bilan fuqarolar tashabbuslarini qo‘llab-quvvatlash hamda yoshlar uchun zamonaviy sport infratuzilmasini yaratish maqsadida mablag‘ ajratildi.
📍 Ag‘ron MFY hududidagi Torariq qishlog‘ida joylashgan 72-sonli maktab hududida yakka kurash sport turiga moslashtirilgan 12×24 metr o‘lchamdagi sport zali quriladi.
🔹 Ajratilgan mablag‘: 1 mlrd 648 mln so‘m
🔹 Moliyalashtirish manbasi: Fuqarolar tashabbusi jamg‘armasi
🔹 Buyurtmachi: “Samarqand viloyati hokimligi ‘Yagona buyurtmachi xizmati’” DUK
🔹 Asos: loyiha-smeta hujjatlari
🔹 Amalga oshirish: tender asosida
🏆 Yangi sport zali o‘quvchi-yoshlarning sport bilan muntazam shug‘ullanishi, bo‘sh vaqtini mazmunli tashkil etish, sog‘lom turmush tarzini qaror toptirish hamda yakka kurash sport turlarini rivojlantirish uchun keng imkoniyat yaratadi.
🇺🇿 Fuqarolar tashabbusi — yoshlar kelajagi va sog‘lom avlod uchun yaratilayotgan yangi imkoniyat!