Oliy Majlis Senatining yalpi majlisida  “O‘zbekiston Respublikasi Milliy gvardiyasi to‘g‘risida”gi Qonunga o‘zgartirish va qo‘shimchalar kiritish haqidagi Qonun muhokama qilindi.
Mazkur hujjat bilan Milliy gvardiyaning jamoat xavfsizligini ta’minlash, huquqbuzarliklarning oldini olish, ommaviy tartibsizliklar va g‘ayriqonuniy harakatlarga chek qo‘yish, terrorizmga qarshi kurashish hamda favqulodda vaziyatlar oqibatlarini bartaraf etishdagi vakolatlari yana-da aniqlashtirilmoqda.
Deputat G.Suvonqulovaning ta’kidlashicha, bu kabi qonunchilikdagi o‘zgarishlar jamiyatda qonun ustuvorligini ta’minlash, fuqarolarning tinchligi va osoyishtaligini asrash, huquq va erkinliklarini ishonchli himoya qilishda muhim ahamiyat kasb etadi.
Ayniqsa, huquqbuzarliklarning oqibatlariga qarshi kurashish bilan bir qatorda, ularning sabab va shart-sharoitlarini barvaqt aniqlash va bartaraf etishga qaratilgan profilaktik choralarni kuchaytirish jamiyat xavfsizligini ta’minlashda samarali yondashuvdir.
Deputat sifatida G. Suvonqulova xalq bilan muloqot, jamoat xavfsizligi va yoshlar manfaatlarini himoya qilish masalalariga alohida e’tibor qaratish zarur, deb hisoblaydi. Zero, xavfsiz va barqaror muhit — yosh avlodning sifatli ta’lim olishi, kasb egallashi va o‘z salohiyatini erkin namoyon etishi uchun muhim shartdir