Olmaliq shahar Ibn Sino mahallasi hududidagi ichki koʻchalarning bugungi holati hudud deputati Oybek Qurolboyev tomonidan atroflicha oʻrganildi.
Oʻrganishlar davomida mahalladagi taʼmirtalab koʻchalar joyiga chiqqan holda koʻzdan kechirildi hamda aholini qiynab kelayotgan yoʻl muammolari atroflicha tahlil qilindi.

Muammoning yechimi — "Tashabbusli budjet"da!
Mahalla raisi bilan olib borilgan muloqot chogʻida ushbu ichki koʻchalarni asfaltlash masalasi "Tashabbusli budjet" (Open Budget) loyihasiga kiritilganligi taʼkidlandi.
Shu munosabat bilan deputat Oybek Qurolboyev mahalla yettiligi va tashabbuskor fuqarolar bilan uchrashib:
Loyihada faol ishtirok etish hamda gʻoliblikni qoʻlga kiritish boʻyicha aniq takliflarni ilgari surdi;
Ovoz berish jarayonida aholining jipsligi va uyushqoqligini taʼminlash muhimligini aytib oʻtdi.
“Mahallamiz obodligi va yoʻllarimiz ravonligi barchamizning ahilligimiz va faolligimizga bogʻliq. Birgalikda harakat qilsak, bu muammoni albatta ijobiy hal etamiz,” — deb taʼkidladi deputat.
Deputat tomonidan ushbu masala toʻliq nazoratga olindi va loyihani amalga oshirishda mahalla ahliga yaqindan koʻmak berilishi bildirildi.