Bugun Yoshlar kuni munosabati bilan Bekobod tumani hokimligi, Raqamli texnologiyalar vazirligi hamda IT Park Uzbekistan hamkorligida Toshkent viloyati yoshlari o‘rtasida Bekobod Yoshlar Innovatsion IT Markazida PUBG Mobile yo‘nalishi bo‘yicha kibersport musobaqasi tashkil etildi.
⚡️ 14–30 yoshdagi yoshlar ishtirok etgan bahslar qizg‘in va murosasiz kurashlarga boy bo‘ldi. Ishtirokchilar tezkor fikrlash, strategik yondashuv, jamoaviy hamkorlik va raqamli ko‘nikmalarini namoyish etdilar.
🏆 Musobaqa yakunida g‘olib va sovrindorlar xalq deputatlari Bekobod tumani Kengashi deputati, tuman hokimi Z. Nizomiddinov tomonidan esdalik sovg‘alari bilan munosib taqdirlandi.
💡 Bunday loyihalar yoshlarning bo‘sh vaqtini mazmunli o‘tkazish, raqamli ko‘nikmalarini rivojlantirish va innovatsion salohiyatini oshirishga xizmat qiladi.
🚀 Yoshlar — kelajak bunyodkorlari! Raqamli kelajak sari birgalikda!