Deputat jańa sport zalınıń ashılıw máresiminde qatnastı

⚡️ Xalıq deputatları Shımbay rayonlıq Keńesi baslıǵı O.Tolıbekov “Shaxtemir” MPJ aymaǵında qurılǵan jańa sport zalınıń saltanatlı ashılıw máresimine qatnastı.

Ilaj dawamında jańa sport obektiniń jaslar hám xalıqtıń salamatlıǵın bekkemlew, olardı denetárbiya hám sportqa keńnen tartıwdaǵı áhmieti ayrıqsha atap ótildi.

Húrmetli Prezidentimizdiń 1-apreldegi "Respublika aymaqların jedel kompleksli rawajlandırıw ushın tańlanǵan aymaqlarda ámeliy ilajlardı ámelge asırıw haqqında"ǵı PQ-132-sanlı qararı tiykarında Shımbay rayonında 4,3 mlrd. swmlıq Gimnastika hám jeke sport túrlerine qánigelestirilgen sport zal saltanatlı túrde paydalanıwǵa tapsırıldı.

Deputat jańa sport zalı aymaq jaslarınıń bos waqtın mazmunlı shólkemlestiriw, qábiletli sporchılardı tárbiyalaw hám salamat turmıs tárizin keńnen úgit-násiyatlawǵa xızmet etetuǵının atap ótip, bársheni usı jańa orınnıń ashılıwı menen qutlıqladı.