Raqamlashtirish — fuqarolarga qulay va tezkor xizmat ko‘rsatishning muhim omili

Xalq deputatlari Xorazm viloyati Kengashi deputati D. Ismoilova hamda Xalq deputatlari Qo‘shko‘pir tumani Kengashi Kotibiyatining bosh mutaxassisi S. Matyaqubova tuman Fuqarolik holati dalolatnomalarini yozish bo‘limi (FHDYO) faoliyati bilan tanishdilar.
O‘rganish davomida tizimda amalga oshirilayotgan yangiliklar, xizmat ko‘rsatish jarayonlarining raqamlashtirilishi hamda zamonaviy axborot texnologiyalarining fuqarolar uchun yaratayotgan qulayliklari tahlil qilindi
. Shuningdek, aholiga davlat xizmatlarini tezkor, shaffof va sifatli ko‘rsatish, ortiqcha ovoragarchiliklarning oldini olish hamda xizmatlardan foydalanish imkoniyatlarini yanada kengaytirish masalalariga alohida e’tibor qaratildi.
Raqamlashtirish — davlat xizmatlarini xalq uchun yanada qulay, ochiq va samarali qilish yo‘lidagi muhim qadamdir.