O‘rganish davomida hududda mavjud bo‘sh turgan noqishloq yer uchastkalari, ularning joylashuvi, foydalanish holati hamda mazkur yer maydonlarini tadbirkorlik va boshqa qonuniy faoliyat turlariga jalb etish imkoniyatlari ko‘rib chiqildi. Shuningdek, “Yo‘l xaritasi”da belgilangan vazifalarning ijrosi, yer uchastkalarini belgilangan tartibda shakllantirish, tegishli hujjatlarni rasmiylashtirish va auksion savdolariga chiqarish bo‘yicha amalga oshirilayotgan ishlar tahlil qilindi.

O‘rganish jarayonida ayrim yer uchastkalari bo‘yicha mavjud muammolar va kamchiliklarga ham e’tibor qaratildi. Jumladan, yer uchastkalarining huquqiy maqomini aniqlashtirish, chegaralarini belgilash, kadastr hujjatlarini rasmiylashtirish hamda auksionga chiqarish uchun zarur bo‘lgan ma’lumotlarni tayyorlash masalalari ko‘rib chiqildi.

Aniqlangan holatlar yuzasidan mas’ul tashkilotlar tomonidan ishlarni jadallashtirish, bo‘sh turgan yer maydonlarini samarali foydalanishga jalb qilish va ularni qonunchilikda belgilangan tartibda elektron auksion savdolariga chiqarish bo‘yicha tegishli tavsiyalar berildi.

Shuningdek, auksion savdolariga chiqariladigan yer uchastkalari to‘g‘risidagi ma’lumotlarning to‘liqligi va haqqoniyligini ta’minlash, tadbirkorlik subyektlari uchun qulay shart-sharoitlar yaratish hamda foydalanilmayotgan yer maydonlarini iqtisodiy muomalaga kiritish orqali yangi ish o‘rinlari yaratish va shahar iqtisodiy salohiyatini oshirishga qaratilgan ishlarni davom ettirish lozimligi ta’kidlandi.

O‘rganish yakunlari bo‘yicha aniqlangan masalalarni bartaraf etish, belgilangan vazifalarning o‘z vaqtida va sifatli bajarilishini ta’minlash hamda bo‘sh turgan noqishloq yer uchastkalarini auksion savdolariga chiqarish bo‘yicha nazoratni kuchaytirish yuzasidan mas’ullarga tegishli ko‘rsatma va tavsiyalar berildi.