Xalq deputatlari Shirin shahar Kengashi deputati D. Danayev tomonidan Amir Temur mahallasida hokim yordamchisining faoliyati o‘rganildi. O‘rganish davomida mahallada tadbirkorlikni rivojlantirish, aholi bandligini ta’minlash, ishsiz fuqarolarni doimiy va mavsumiy ish o‘rinlariga joylashtirish, xonadonlarda daromadli mehnat faoliyatini yo‘lga qo‘yish borasida amalga oshirilayotgan ishlar tahlil qilindi.

Shuningdek, aholini ijtimoiy qo‘llab-quvvatlash, mavjud muammolarni aniqlash va ularni tegishli tashkilotlar bilan hamkorlikda bartaraf etish, yangi tadbirkorlik subyektlarini tashkil etish hamda fuqarolarga imtiyozli kredit va subsidiyalardan foydalanish imkoniyatlarini yaratish bo‘yicha olib borilayotgan ishlar ko‘rib chiqildi.

O‘rganish yakunlari bo‘yicha aniqlangan kamchiliklarni bartaraf etish, aholi murojaatlari bilan ishlashni yanada kuchaytirish hamda belgilangan vazifalarning ijrosini ta’minlash yuzasidan tegishli tavsiya va takliflar bildirildi.