Yig‘ilishda Kengash raisi, tuman Kengashi deputatlari, ekspert guruhi a’zolari, Yoshlar maslahati guruhi a’zolari hamda mas’ul tashkilotlar rahbarlari ishtirok etdi.
Yig‘ilish kun tartibidan tuman mahalliy budjetining 2026-yilda shakllangan qo‘shimcha manbalari hisobidan mablag‘larni yo‘naltirish hamda tuman hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘laridan foydalanish masalalari o‘rin oldi.

Mazkur masalalar yuzasidan tuman hokimining birinchi o‘rinbosari S.Qarabayevning hisoboti tinglanib, deputatlar tomonidan atroflicha muhokama qilindi.

Shuningdek, “Infratuzilma va ijtimoiy barqarorlik” jamg‘armasi mablag‘lari hisobidan Favqulodda vaziyatlar bo‘limi uchun zaxira suv nasoslari, suv yenglari, suv shlemlari va maxsus oyoq kiyimlar xarid qilish hamda tuman markazining qo‘riqlash xizmati uchun mablag‘ ajratish yuzasidan bildirilgan takliflar ham ko‘rib chiqildi.

Muhokamalar yakunida mazkur takliflar O‘zbekiston Respublikasi Prezidentining 2025-yil 30-yanvardagi PF-17-sonli Farmoni talablariga muvofiq emasligi aniqlanganligi sababli doimiy komissiya tomonidan rad etildi.

Yig‘ilish yakunida ekspert guruhi a’zolari hamda deputatlar tomonidan bildirilgan taklif va mulohazalar inobatga olinib, ko‘rib chiqilgan masalalarni navbatdagi Kengash sessiyasi kun tartibiga kiritish yuzasidan doimiy komissiyaning tegishli qarori qabul qilindi.