Sessiya kun tartibidan qonuniylikni mustahkamlash, fuqarolarning huquq va erkinliklarini himoya qilish, yoshlar siyosati, ko‘p kvartirali uylarni boshqarish, yo‘l infratuzilmasini rivojlantirish, xotin-qizlarni qo‘llab-quvvatlash, ekologik barqarorlik va «Yashil makon» loyihasi ijrosi kabi muhim masalalar o‘rin oldi.
Shuningdek, aholi bandligini ta’minlash va qishloq xo‘jaligini moliyalashtirish, ichimlik suvi va oqova suv xizmatlari, «Infratuzilma va ijtimoiy barqarorlik» jamg‘armasi mablag‘laridan foydalanish hamda mahalliy byudjetning qo‘shimcha manbalarini yo‘naltirish masalalari ham muhokama qilindi.
Sessiyada mas’ul rahbarlarning axborot va hisobotlari tinglanib, kun tartibidagi masalalar yuzasidan tegishli qarorlar qabul qilindi.
Sessiya davomida hududning ijtimoiy-iqtisodiy rivoji, aholi farovonligini oshirish hamda mavjud muammolarni manzilli hal etishga qaratilgan vazifalar belgilab olindi.