Mahalliy Kengash deputatlari faoliyatining eng muhim yo‘nalishlari bo‘yicha 24 ta tavsiya asosida hududlarda amaliy ishlar izchil davom ettirilmoqda.

Xalq deputatlari Andijon shahar Kengashi deputati D. Rahmatullayeva tomonidan o‘z saylov okrugidagi “O‘zbekiston 20 yilligi” MFYga tashrif amalga oshirildi.

Tashrif davomida mahallada aholi murojaatlari va mavjud masalalar o‘rganilib, ularni hal etish borasida mahalla yettiligi tomonidan amalga oshirilayotgan ishlar bilan tanishildi.

Shuningdek, o‘rganish jarayonida Furqat ko‘chasi va Sarkuy ko‘chalaridagi transformator punktlarini (TP) qayta tarmoqqa ulash hamda kuz-qish mavsumiga tayyorlash masalasiga alohida e’tibor qaratildi.

Mazkur masalani ijobiy hal etish maqsadida mas’ul tashkilotlarga deputat so‘rovi yuborish belgilandi.

Deputatning hududdagi o‘rganish ishlari aholi murojaatlarini joyida ko‘rib chiqish, mavjud masalalarni mas’ul tashkilotlar bilan hamkorlikda hal etishga qaratilgan.