Mahalla vakillari ishtirokida o‘tkazilgan yig‘ilishdan so‘ng, Xalq deputatlari Termiz shahar Kengashi raisi, deputat D.Normuradova hamda kotibiyat bosh mutaxassisi A.Temirovlar Kengashning 10-“Navro‘z” saylov okrugi deputati X.Xolmuminov okrugiga qarashli “Baynalminal” mahallasida bo‘lib, mahalla yoshlar yetakchisining faoliyati bilan yaqindan tanishdilar.

Mazkur jarayonda O‘zbekiston Respublikasining 2016-yil 14-sentabrdagi O‘RQ–406-sonli “Yoshlarga oid davlat siyosati to‘g‘risida”gi Qonuni asosida ishlab chiqilgan savolnomalar asosida yoshlar yetakchisi bilan batafsil suhbat o‘tkazildi.

Suhbat davomida mahalladagi yoshlar kontingenti, ular bilan olib borilayotgan individual ishlar, ijtimoiy ko‘makka ehtiyojmand yoshlar bilan ishlash, bandligi ta’minlanmagan yoshlarni kasb-hunar va tadbirkorlikka yo‘naltirish, yoshlarning huquq va manfaatlarini himoya qilish borasidagi ishlar yuzasidan ma’lumotlar olindi.

O‘rganish yakunida yoshlar bilan ishlashda manzillilik va individual yondashuvni kuchaytirish, muammoli toifadagi yoshlar bilan tizimli ishlash, ularning bandligini ta’minlash hamda mavjud imkoniyatlardan samarali foydalanish yuzasidan tegishli tavsiya va ko‘rsatmalar berildi.