Xalq deputatlari Parkent tuman Kengashiga 13-“Istiqbol” saylov okrugidan saylangan deputat Maxmudova Baxtinisa Zuxriddinovna tomonidan o‘zi saylangan okrug hududidagi “Gulbog‘” MFY hududidagi “Parkentsoy” turar joy majmuasida barpo etilgan yangi ko‘p qavatli uylarning bugungi holati o‘rganildi.O‘rganish davomida ko‘p qavatli turar joylarga xizmat ko‘rsatuvchi boshqaruv kompaniyalari faoliyatining samaradorligi, uylarning ichki yo‘laklari va pod’ezdlari, yerto‘lalarining holati, shuningdek, uylar atrofidagi hududlarning obodonligi, tozaligi va yoritilishi masalalariga alohida e’tibor qaratildi.Nazorat jarayonida turar joy majmuasidagi umumiy foydalanish joylari ko‘zdan kechirilib, mavjud sharoitlar va hududning sanitariya-obodonlashtirish holati bilan tanishildi. Ko‘p qavatli uylarning ichki va tashqi hududlarini ozoda saqlash, yoritish tizimlarining sozligini ta’minlash hamda aholiga qulay yashash sharoitlarini yaratish muhimligi qayd etildi.Shuningdek, deputat ko‘p qavatli uylarda istiqomat qiluvchi aholi bilan bevosita muloqot qilib, ularning muammo va ehtiyojlari, taklif hamda mulohazalarini tingladi. Fuqarolar tomonidan bildirilgan masalalar yuzasidan ularni tegishli tashkilotlar bilan hamkorlikda o‘rganish va amaliy choralar ko‘rish zarurligi ta’kidlandi.Muloqot davomida fuqarolarga ko‘p qavatli uylar atrofi va umumiy foydalanishdagi hududlarni ozoda saqlash, obodonlashtirish ishlarida faol ishtirok etish, yashash manzilini asrab-avaylash har bir fuqaroning mas’uliyati ekani tushuntirildi.O‘rganish yakunida ko‘p qavatli turar joylarda yashovchi aholi uchun qulay va xavfsiz sharoitlarni ta’minlash, mavjud masalalarni o‘z vaqtida hal etish hamda hududlarning obodonligi va tozaligini doimiy nazoratda tutish muhimligi qayd etildi.